Aabot sa tatlong milyong pasahero ang inaasahan ng Parañaque Integrated Terminal Exchange o PITX na dadagsa sa kanilang terminal ngayong holiday season simula December 20 hanggang January 6 sa susunod na taon.
Ayon kay PITX Corporate Affairs Officer Kolyn Calbasa, mas mataas ang bilang na ito kumpara noong nakaraang taon na mayroong 2.6 million lamang.
Kasama aniya sa kanilang paghahanda ang pagsasailalim sa mga driver at sasakyan sa pagsusuri upang matiyak ang kaligtasan ng mga pasahero. - sa panulat ni Alyssa Quevedo
