Limang katao kabilang ang isang menor-de-edad na babae ang arestado sa ikinasang buy bust operation ng Philippine Drug Enforcement Agency (PDEA) sa isang hinihinalang drug den sa San Jose Del Monte City, Bulacan.
Kinilala ang mga suspek na sina Arturo Trinos, 49-anyos; Norilyn Mariano, 43-anyos; Annalyn Dupra, 40-anyos; Sanny Bernardo, 46-anyos at isang 17 anyos na dalagita.
Ayon kay PDEA Director General Wilkins Villanueva, nakatanggap sila ng tip hinggil sa ilegal na aktibidad ng mga suspek kaya’t agad naglunsad ng operasyon sa naturang lugar.
Nasamsam mula sa lima ang 50 gramo ng shabu na nagkakahalaga ng 400,000 pesos at mga drug paraphernalia.
