Patay ang apat na drug suspects sa magkakahiwalay na operasyon kontra illegal drugs sa Laguna sa loob lang ng isang gabi.
Ayon kay Police Colonel Eleazar Mata, provincial director ng Laguna PNP, pare-parehong nanlaban sa pulisya ang mga drug suspects.
Ang unang operasyon ay nangyari sa Purok 7, PNR Site Barangay Nueva, San Pedro City kung saan nakuhanan ang nanlabang suspek ng kalibre .45 baril.
Sunod na ikinasa ang buy bust sa Camella Homes sa Cabuyao City kung saan napatay naman si Robert Patricio na nakuhanan naman ng kalibre .38 baril.
Samantala, ang ikatlong buy bust ay nangyari sa Barangay Bucal, Calamba City kung san aarestuhin sana ang dalawang drug suspects subalit bumunot ang mga ito ng baril kaya’t napilitang magpaputok na rin ang mga pulis.
