Arestado ang apat katao matapos mahuling umiinom ng alak sa loob ng Manila Memorial Park sa Parañaque City ngayong araw.
Kinilala ni Southern Police District Director Brig. Gen. Kirby John Brion Kraft ang apat na sina; Danilo Conot, maintenance personnel ng sementreyo at sina Leonie Carpio; Gregorio Donor III; at John Kennedy Ibañez, pawang caretakers sa sementaryo.
Batay sa imbestigasyon ng mga otoridad, isang sumbong ang kanilang natanggap kaugnay sa grupo ng kalalakihan na umiinom ng alak sa isang bakanteng lote kung saan nagpaputok pa ng baril ang isa.
Agad naman itong pinuntahan ng mga otoridad at inaresto.
Sa ngayon, sinampahan na ng kaso ang apat dahil sa pag-inom ng alak sa loob ng sementeryo, scandal at paglabag sa Republic Act 10591 o comprehensive law on firearms and ammunition at article 151 ng revised penal code o resistance and disobedience to a person of authority and their agents.
