Patay ang apat na miyembro ng New People’s Army o NPA matapos maka-engkwentro ang tropa ng militar sa Davao Oriental.
Batay sa ulat nagsasagawa ng combat patrol operations ang mga sundalo sa Sitio Palo-Palo, Barangay Marayag sa bayan ng Lupon nang makasagupa ang hindi pa matiyak na bilang ng mga rebelde.
Tumagal umano ang bakbakan ng sampung minuto kung saan napatay ang apat na terorista
Narekober din sa pinangyarihan ng engkwentro ang limang baril at improvised landmine.
Wala namang napaulat na nasawi o sugatan sa panig ng militar.
—-
