Malabo pang maibalik sa ilalim ng Department of Agriculture ang Apat (4) na ahensyang dating saklaw nito kabilang na ang National Irrigation Adminsitration o NIA.
Ito ang ipinahiwatig ng bagong upong nia Administrator Peter Tiu Laviña kasunod ng mungkahi ni Agriculture Secretary Manny Piñol na ibalik na sa DA ang NIA, Fertilizer and Pesticides Authority, National Food Authority at Philippine Coconut Authority.
Magugunitang lumikha ang nakalipas na administrasyong Aquino ng Office of the Presidential Adviser on Food Security and Agriculture na siyang humahawak sa apat na ahensyang dating nasa DA na ngayo’y nasa ilalim ng Office of the President.
Paliwanag ni Laviña na mas makabubuting pairalin muna ang status quo habang isinusulong ng Kongreso ang pagpapalit ng sistema ng pamahalaan mula sa presidential patungo sa pederalismo.
By: Jaymark Dagala
