Arestado ng mga operatiba ng Pulilan Police ang 4 katao na sangkot sa pagbebenta at pagbili ng raw materials sa paggawa ng feeds sa Brgy, Tibag sa Pulilan, Bulacan.
Kinilala ng awtoridad ang mga suspek na sina Jose San Pedro, Feliciano Obeda, Jomy Salinas Jr. at Ian Cajis
Base sa inisyal na imbestigasyon ng mga otoridad, una nang nagreklamo si Teodulo Sulit ng Feedmix Specialist Inc. Kaugnay sa nawawalang sangkap sa paggawa ng pagkain ng hayop.
Nabatid na mismong driver ng trucking na si alyas ian ang nagbaba ng 100 sako ng fish meal.
Sa isinagawang follow-up ng PNP, nakita ang truck na may plakang ren 236 lulan ang 100 sako ng fish meal.
Nakakulong na ang mga suspek sa Pulilan Municipal Jail na kinasuhan ng Anti-Fencing Law at Qualified Theft.
