Patay ang apat na miyembro ng BIFF o Bangsamoro Islamic Freedom Fighters nang makasagupa ng tropa ng pamahalaan sa bayan ng Rajah Buayan at Mamasapano sa Maguindanao.
Ayon kay Lt. Col. Edgar Catu ng 40th Infantry Batallion ng Philippine Army, nagsasagawa sila ng combat clearing operations laban sa BIFF nang mangyari ang sagupaan kahapon.
Ikinasa ang operasyon matapos ang pagpapasabog sa Barangay Pidsandawan sa nabanggit na bayan na ikinasugat ng siyam na sundalo.
Mariin namang pinabulaanan ni BIFF Spokesman Abu Misry Mama ang ulat na nalagasan sila ng apat na miyembro sa naturang sagupaan.
- Meann Tanbio
