4 na sundalo ang patay sa ambush ng Dawlah Islamiya sa Maguindanao del Sur.
Ayon kay Briguider General Allan Nobleza, Director ng Police Regional Office-Bangsamoro Autonomous Region, nakatanggap sila ng ulat na miyembro ang 4 na sundalo ng 6th Infantry Division.
Kaugnay nito kinilala ni 6th ID Major General Alex Rillera ang mga nasawing militar na sina Private Marvin Dumaguing, Private Jessie James Corpuz, Private 1st Class Carl Araña, at Corporal Creszaldy Esperto.
Kwento ni Major General Rillera, nasa sasakyan ang 4 na sundalo papunta sa command post nang sila’y pagbabarilin ng mga terorista gamit ang M-16 at M-14 Rifles sa Barangay Tuayan, Datu Hofer.
Isinugod ang mga biktima sa Maguindanao Provincial Hospital, kung saan sila idineklarang dead on arrival dahil sa napakaraming tama ng bala sa katawan.- sa panunulat ni Charles Laureta
