Nadagdagan ng mga bagong heneral ang hanay ng Philippine National Police (PNP) matapos na aprubahan ni Pangulong Rodrigo Duterte ang promosyon para apat na opisyal nito.
Kabilang sa mga nabigyan ng unang estrella sina P/BGen. Jayson Ortizo, P/BGen. Jimili Macaraeg, P/BGen. Emmanuel Peralta at P/BGen. Antonio Yarra epektibo Mayo 26.
Si Ortizo ay kasalukuyang hepe ng PNP Chaplain Service, Deputy Reg./Dir. for Admin ng PRO Caraga si Macaraeg, hepe ng Southern Police District (SPD) ng NCRPO si Peralta habang Deputy Reg./Dir. for Administration ng PRO Calabarzon si Yarra.
Inaprubahan ng pangulo ang pagiyendorso ng Civil Service Commission (CSC) salig naman sa rekumendasyon ng Department of the Interior and Local Government (DILG) at ng senior officers’ placement and promotion board ng PNP para sa mga bagong heneral.
