Sumampa na sa apat ang nasawi habang anim ang sugatan sa pananalasa ng Habagat.
Ayon sa NDRRMC, kabilang sa fatality ang isang 39 anyos na babae mula Camp 8, Kennon Road sa Baguio City na nasangkot sa vehicular accident matapos bagsakan ng puno, noong Hulyo 23.
Nasa 278,000 o tinatayang 68,000 pamilya mula sa 688 barangay ang apektado ng kalamidad.
Karamihan sa mga naapektuhan ay residente mula Ilocos Region, Central Luzon, CALABARZON, MIMAROPA, Western Visayas, Cordillera at NCR.
Tinatayang 27,000 katao o mahigit 7,700 pamilya ang nagsilikas. —sa panulat ni Drew Nacino
