Dead on the spot ang apat katao samantalang anim pa ang sugatan sa karambola ng tatlong trucks sa Tuba, Benguet.
Batay sa report ng Cordillera police, nawalan ng preno ang isang truck ng basura kaya’t dumausdos ito sa pababang bahagi ng Marcos Highway sa barangay Poblacion at bumundol sa isang dump truck.
Ang nabundol na dump truck ay bumangga naman ‘di umano sa kasalubong nitong trailer truck na nasa kabilang lane.
Agad namang naisugod sa pagamutan ang mga sugatan sa aksidente.a
