Apat ang nasawi sa naganap na pamamaril sa isang Hospital Campus sa Tulsa, Oklahoma.
Ayon sa Tulsa Police Department, kabilang sa mga nasawi ang gunman ngunit hindi nito nilinaw kung paano ito namatay.
Pumasok umano ang suspek sa ikalawang palapag ng Natalie Building at bigla na lamang namaril gamit ang isang rifle.
Ilan naman sa mga nasugatan sa insidente ay nagtamo ng multiple injuries.
Patuloy na inaalam ng mga otoridad ang motibo ng suspek sa pamamaril.
Samantala, wala namang napaulat na nadamay na Pilipino sa naturang insidente.
