Patay ang apat (4) na pulis matapos tambangan ng mga hinihinalang miyembro ng new people’s army (NPA) sa Ayungan, Negros Oriental.
Ayon kay PCol. Raul Tacaca, hepe ng Negros Oriental Police, maghahain sana ng warrant of arrest ang mga pulis na nakasakay sa motorsiklo nang pagbabarilin ang mga ito ng tinatayang nasa 20 miyembro ng NPA.
Nagtamo ng maraming tama ng bala sa iba’t ibang bahagi ng katawan ang mga pulis na naging sanhi ng kanilang pagkasawi.
Kasalukuyang tinutugis na ng pulisya at militar ang mga nakatakas na armadong grupo.
