Nasa 40 indibidwal na ang napakawalan ng Bureau of Jail Management and Penology (BJMP) matapos mapawalang sala sa Maguindanao massacre case.
Pero base sa ulat, may dalawa pa umanong hindi nakakalaya dahil sa patuloy pang pinoproseso ang kanilang mga dokumento.
Samantala, may apat na iba pang na-acquit na sa naturang kaso ngunit nananatiling nakaditene dahil sa kanilang iba pang pending cases.
Ikinasiya naman ng pamilya ni Richard Gofel ang pagkakalinis ng kanyang pangalan mula sa pagkakadawit nito hinggil sa karumaldumal na krimen.
