Apatnapu ang nasawi habang nawawala naman ang iba pa sa naganap na flashflood at landslide sa Northern India.
Ayon sa mga opisyal, tatlong araw nang nakararanas ng intense monsoon ang kanilang lugar kung saan natabunan ng putik ang ilang mga bahay.
Nasira din ang mga puno at sasakyan maging ang mga kalsada at tulay dahil sa walang tigil na pag-ulan.
Sa ngayon, daan-daang katao ang inilikas ng mga rescue team sa evacuation center habang patuloy pa ang Search and Rescue Operation ng mga otoridad sa mga naapektuhan ng pagbaha at pagguho ng lupa.
