Viral sa social media ang pampa-good vibes na pagsayaw ng isang traffic enforcer sa Quezon Avenue sa Lucena City.
Ayon sa uploader ng video na si Mike Caballe, ang dancing traffic enforcer na kinilala lamang na Mang Danny ay nakapuwesto sa pinapasukan niyang tindahan ng appliances na mayroong malakas na sound system para makapanghikayat ng customers.
Sinabi ni Caballe na nag-request si Mang Danny sa kanila na magpatugtog ng sikat na tugtugin sa tiktok na ginawa naman nila kaya’t tumodo hataw na sa pagsasayaw ang traffic enforcer.
Kuwento pa ni Caballe, kitang-kita na enjoy na enjoy ang mga nagdaraan sa lugar at karamihan sa mga naglalakad ay napapahinto pa para panuorin si Mang Danny kaya’t kinunan niya ito at kaagad in-upload sa kanyang facebook page.
Inihayag ni Caballe na madalas na sumayaw si Mang Danny habang nagmamando ng trapiko na aniya’y nagbibigay ng malaking kasiyahan sa lahat.
