Arestado ang halos 50 lalaki sa ikinasang operasyon ng pulisya kontra droga, sugal at mga lumalabag sa ordinansa sa lungsod ng Makati.
Kalahati sa mga naaresto ay timbog dahil sa droga.
Narekober umano ng mga pulisya mula sa mga ito ang 40 sachet ng shabu at kalibre trenta’y otsong baril.
Pito naman ang naaktuhang gumagamit ng ipinagbabawal na gamot sa isang apartelle sa Guadalupe Nuevo.
Samantala, huli naman ang iba na umiinom at nagsusugal sa kalsada ng madaling araw at lumabag pa sa ibang ordinansa.
