Patay ang 48 Yemeni soldiers matapos umatake ang isang suicide bomber mula sa Islamic State Group sa lungsod ng Aden.
Iniulat ng mga opisyal ng militar na bukod sa mga nasawi ay maraming iba pa ang nasugatan sa insidente.
Ayon naman kay Aden Health Chief Abdel Nasser Al-Wali, ang mga sundalo ay nasa labas ng bahay ni Special Security Forces Head Colonel Nasser Sarea nang maganap ang malagim na pag-atake.
Matatandaang halos 50 sundalo rin ang nasawi at 29 na iba pa ang nasugatan sa isa pang karahasan sa Al-Sawlaban noong nakaraang linggo.
By Jelbert Perdez
Photo Credit: AP
