Ramdam na sa Germany ang senyales umano ng 4th Wave ng COVID-19 pandemic sa gitna ng patuloy na pagdami ng tinatamaan ng Delta variant.
Bagaman pinuri noon ang mga Aleman sa pag-kontrol sa COVID-19, halos 50,000 na bagong COVID-19 cases na ang naitatala kada araw kaya’t nagbabala na ang German Government sa posibleng “worst case scenario”.
Ayon sa Robert Koch Institute, na pangunahing Public Health Body ng Germany, umabot na sa 4.89 million ang COVID cases sa bansa habang nasa 97,198 na ang fatalities.
Nanganganib itong tumaas habang papalapit ang taglamig o winter kung hindi maglalatag ng mas mahigpit at public health protocol.
Samantala, nagpatawag na ng emergency meeting si outgoing Chancellor Angela Merkel upang talakayin ang ikakasang hakbang. —sa panulat ni Drew Nacino
