Matagumpay na nailigtas ng mga tauhan ng National Capital Region Police Office (NCRPO) ang limang dayuhang pinaniniwalaang kinidnap at ikinulong sa isang residential area sa A. Mabini Street, Barangay Addition Hills, Mandaluyong City.
kinilala ang mga Foreign nationals na sina:
- Wang Ui Yong (Chinese)
- Yan Lu Ting (Chinese)
- Li Qing Lin (Chinese)
- Yang Li Hui (Chinese)
- Teo Chee Ching (Malaysian)
Ayon sa mga otoridad, agad nilang ikinasa ang Rescue Operation matapos silang makatanggap ng sumbong mula sa kaibigan ng isa sa mga biktima kaugnay sa iligal na pagkulong sa mga dayuhan.
Naaresto ang isang suspek habang nakatakas naman ang isang alyas ayan at dalawang hindi pa nakikilalang kalalakihan.
Dinala na ang limang biktima sa ospital para sa mga Medico-legal test habang kasalukuyan pang iniimbestigahan ng mga otoridad ang naturang insidente.
Samantala, nahaharap naman ang mga suspect sa mga kasong Kidnapping at Serious Illegal Detention. —sa panulat ni Angelica Doctolero
