Limang kaso ng delta variant ang naitala sa Zamboanga City batay sa resulta na inilabas ng Philippine Genome Center noong Agosto 28.
Sa nasabing bilang, tatlo ang menor de edad habang may edad na 44 at 26 ang dalawa pang pasyente.
Ayon sa ulat, nakatira sa isang bahay ang mga pasyente at kasalukuyang nagpapagaling sa quarantine facility.
Sa ngayon, umabot na sa anim ang kabuuang bilang ng mga kaso ng delta variant sa Zamboanga City.—sa panulat ni Hyacinth Ludivico
