Lima ang naitalang patay sa pananalasa ng bagyong Herwart sa Central Europe.
Ayon sa ulat ng mga awtoridad, dalawa ang nasawi sa Poland matapos madaganan ng nabuwal na puno ang kanilang mga sasakyan.
Dalawa rin ang naitalang nasawi sa Czech Republic habang isang 63-anyos na lalaki ang nalunod matapos maagus ng baha sa North Sea Coast ng Germany.
Nagkaroon din ng black out sa Czech Republic, Austria at ibang pang bansa sa Central Europe dulot ng bagyo.
Kinansela rin ang biyahe ng tren mula sa ilang lugar sa hilagang Germany patungong Berlin dahil sa panganib ng mga nabaling sanga sa Relis.
—-
