Patay ang limang katao matapos pagtatatagain sa Baleno, Masbate Sabado ng gabi.
Ayon sa Police Regional Office Five, nakaligtas ang isang 13 anyos sa nasabing pag-atake at kasalukuyang nagpapagaling at ginagamot sa ospital.
Naaresto naman ang suspek na kinilala bilang si Mark, 16 anyos, residente ng nabanggit na bayan.
Ayon sa imbestigasyon, natutulog ang mga biktima ng pasukin ng menor de edad na suspek ang kanilang bahay at kinuha ang cellphone na pag-aari ng isa sa mga biktima.
Nagising ang isa sa kanila kaya dito na isinagawa ng suspek ang malagim na krimen.—sa panulat ni Rex Espiritu
