Sumuko sa mga militar ang limang miyembro ng Abu Sayyaf Group (ASG) sa basilan na mga tauhan ng lider na si Pasil Bayali na matagal nang wanted sa lugar.
Ayon kay Col. Richard Verceles, operations chief ng Area Police Command-Western Mindanao, kabilang sa mga sumuko sina Farhat Kang Palluh; Amil Palluh; Merham Hasalal Palluh; Basri Tukul; at Omar Hajubain na pawang mga residente ng barangay Bohe Suyak, Ungkaya Pukan, Basilan.
Sinabi ni Verceles na ang pagsuko ng mga bandidong grupo ay sa tulong ng pangungumbinsi ng pamunuan ng 64th infantry battalion ng Philippine Army.
Nakatakdang isailalim sa medical examination ang mga sumukong ASG member sa Ungkaya Pukan Rural Health Unit.
