Limang bata ang nasawi matapos tangayin ng malakas na hangin ang inflatable castle kung saan sila naglalaro sa Tasmania, Australia.
Batay sa ulat, siyam na bata ang nasa loob ng inflatable castle nang bigla na lamang itong bumagsak.
Nahulog ang mga bata na may taas na 32 talampakan at pawang mga edad 10 hanggang 11 ang mga biktima na nasa grade 5 at 6.
Habang ang apat pang mga bata ay nasa kritikal na kondisyon.
Patuloy ang imbestigasyon ng mga otoridad sa insidente.
