Arestado ang limang tauhan mula sa Southern Police District Special Operations Unit matapos masangkot sa pangingikil sa loob mismo ng kanilang tanggapan.
Kinilala ang mga suspek na sina PO3 Simon P. Respicio, PO2 Jimmy Abadines, PO1 Randy Mangubat, PO1 Kervilyn Dugyawe at PO1 Moli M. Esmail.
Batay sa ulat, nakatanggap ang tanggapan ng DSOU-SPD ng impormasyon kaugnay sa nagaganap na transaksyon sa pagitan ng isang arresting officer at isa sa mga kaanak ng suspek na kinilala na si Roselyn Genorga .
Si Genorga ay nadakip noong Martes sa Pasay City matapos masangkot sa iligal na sugal.
Narekober sa limang pulis ang 25,000 pesos na sinasabing ibinayad sa kanila kapalit ng paglaya ni Genorga.
—-
