Sinibak sa pwesto ang 5 pulis na dawit sa pagkawala ng isang sabungero sa Laguna nuong 2021.
Sinabi ni Philippine National Police (PNP) Spokesperon Police Colonel Jean Fajardo, nilagdaan na ni PNP Chief Police Gen. Rodolfo Azurin Jr., ang dismissal order laban sa 5 pulis matapos irekomenda ng internal affairs service na alisin sa serbisyo dahil sa grave misconduct.
Kabilang sa mga natanggal ay sina Police Staff Sgt. Daryl Panghangaan, Patrolman Roy Navarette at Patrolman Rigel Brosas na una nang nakitaan ng probable cause ng Department of Justice (DOJ) para sa kasong robbery at kidnapping.
Samantala, lusot man sa kasong kriminal, sibak pa rin sa serbisyo sina Police Lieutenant Henry Sasaluya at Police Master Sergeant Michael Claveria.
