Limang quarry worker ang patay habang isa ang nawawala makaraang tangayin ng baha sa bayan ng La Libertad, Zamboanga del Norte.
Kinilala ang mga biktima na sina Federico Calunsag, Jun Obordo, Ihid Pioco, Lilia Ellobido, Ruth Pactorayan at Joana Tose.
Ayon sa La Libertad Police, nagku-quarry ang mga biktima sa ilog sa Barangay Singaran bago ang flashflood na dulot ng malakas na ulan.
Tiniyak naman ng quarry owner na sasagutin nito ang lahat ng gastos at tutulungan ang pamilya ng mga biktima.
—-
