Sinibak na sa kanilang puwesto ang limang pulis ng San Juan City na kasama sa convoy ni San Juan City Mayor Francis Zamora nang magtungo ito sa Baguo City.
Matatandaan na binale wala ‘di umano’y ng convoy ni Zamora ang health protocol sa checkpoint na papasok ng Baguio City.
Ayon kay Major General Debold Sinas, hepe ng PNP NRPO, ipinalipat nya sa kanilang regional personnel holding and accounting unit ang limang pulis ng San Juan habang isinasagawa ang imbestigasyon.
Sinabi ni sinas na nakapag sumite na rin ng kani kanilang paliwanag ang mga pulis.
Binigyang diin ni Sinas na hindi nya kukunsintihin ang mga pulis na lumalabag sa pagpapatupad ng community quarantine protocols.
Matatandaan na si Sinas ay kinasuhan dahil sa paglabag sa community quarantine nang magsagawa ng manianita para sa kanyang kaarawan ang kanyang mga tauhan.
