Nakatanggap ng regalo mula sa Department of Migrant Workers (DMW) ang aabot sa 500 Overseas Filipino Workers (OFWs) na dumating sa Pilipinas mula sa ibat-ibang mga bansa.
Pinangunahan ni DMW Secretary Susan “Toots” Ople ang pamamahagi ng pamaskong handog ng pamahalaan para sa mga OFWs na ginanap sa NAIA Terminal 1.
Nagparaffle din ang ahensya ng tig-P10,000 kung saan, 20 OFWs ang swerteng nabunot sa raffle.
Ayon kay Overseas Workers Welfare Administration (OWWA) Administrator Arnel Ignacio, patuloy sa pamamahagi ng pamaskong handog ang DMW, sa mga OFWs na umuuwi sa Pilipinas bago ang pagsapit ng 2023 na tatagal hanggang ngayong buwan ng Disyembre.
