Hindi mawawala ang laman ng gcash account sakaling hindi maiparehistro ang sim sa itinakdang deadline ng sim card registration.
Ito ang inihayag ni head globe telecom R.G. Orense sa panayam ng DWIZ, subalit mahihirapan aniya ang may-ari ng sim card na ma-access ang naturang e-wallet sakaling hindi mairehistro ito.
Dahil dito, hinikayat ni Orense ang lahat na iparehistro na ang sim card bago ang deadline para maiwasan ang anumang problema.
Ayon pa kay Orense, may ilang paraan para maiparehistro ang mga sim card alinsunod sa inilabas na Implementing Rules and Regulations (IRR). – sa panulat ni Maze Aliño-Dayundayon
