Kasado na ang assistance ng Globe para sa mga customers nitong apektado ng magnitude 6.8 na lindol sa Morocco partikular sa Ancient City ng Marrakech.
Ayon kay Coco Domingo, Globe Vice President for Postpaid and International Business ang postpaid roaming credits at libreng prepaid load ay magagamit sa pamamagitan ng pag-connect sa roaming partners ng Globe na Orange at Inwi.
Sinabi pa ni Domingo na kaagad silang nagbigay ng connectivity assitance para mabilis ding maabot ng kanilang customers ang kanilang mga mahal sa buhay sa pilipinas at tiyaking maayos ang kanilang sitwasyon.
Para makatawag maaaring i dial ang + (plus sign), + country code, + area code, + telephone number o i-dial ang + (plus sign), +country code, + mobile number samantalang para makapagpadala naman ng text, i-type ang + (plus sign), +country code, +mobile number.
Para magamit naman ang data roaming, maaaring mag-register ang customers sa roam surf promo via Globeone app o i-dial ang * (asterisk), 143 at number sign at kapag okay na ang promo registration, uubra nang mag-browsing sa pamamagitan nang pag-“On” Sa mobile data at data roaming sa phone saettings at i-set ang network connection sa 3G o LTE.
Samantala, ang postpaid customers ay may option namang i “On” ang kanilang mobile data at data roaming para ma-activate ang roam surf 399 na all day data roaming service na otomatikong nagre-renew kada 24 oras.
At wala nang registration na gagawin dito.
