Pumalo na sa 56 ang bilang ng nasawi sa pagtama ng magnitude 6.2 na lindol sa West Sulawesi Province sa Indonesia.
Ayon sa BNPB, disaster mitigation agency ng Indonesia, mahigit 820 katao naman ang nasugatan habang nasa 15,000 naman ang lumikas.
Samantala, sinabi ng meteorological, climatology and geophysical agency ng Indonesia na may posibilidad na muling makaranas ng panibagong malakas na lindol ang West Sulawesi na magdudulot naman ng tsunami.
Isa ang Indonesia sa mga bansa nasa ibabaw ng tinatawag na ‘Pacific Ring of Fire’ kaya regular itong tinatamaan ng lindol.
