Nakapagtala ang Department of Health (DOH) ng karagdagang 580 na panibagong kaso ng Covid-19.
Dahil dito, pumalo na sa 4,066,527 ang kabuuang kaso ng Covid-19 sa bansa habang 11,779 ang aktibong kaso.
Umabot na sa 3,988,911 ang gumaling sa sakit habang 65,454 ang nasawi.
May pinakamataas pa rin na bilang National Capital Region na nasa 2,383 sa loob lamang ng dalawang linggo.
Sinundan ng CALABARZON na may 1,179 new Covid-19 cases, Central Luzon, Western Visayas at Cagayan Valley. —sa panulat ni Jenn Patrolla
