Nakapagtala ang Department of Health (DOH) ng 5,966 na bagong kaso ng COVID-19 sa bansa dahilan para sumirit sa 1,436,369 ang bilang ng impeksiyon.
Batay sa pinakabagong datos ng DOH, nagkaroon naman ng 6,987 na bagong recoveries kaya’t sumampa sa 1,358,512 ang kabuuang bilang ng mga gumaling sa sakit.
Ito’y nangangahulugan na nasa 52,708 na ang active cases.
Samantala, dahil naman sa pagpanaw ng 86 pang pasyente ay pumalo na sa 25,149 ang death toll sa buong kapuluan.
