Dinampot ng mga awtoridad ang 6 na Chinese makaraan umanong dukutin at gahasain ang 2 nilang kababayan at isang Vietnamese sa Pasay City.
Ayon kay Philippine National Police Anti-Kidnapping Group (PNP-AKG) acting chief Lt. Col. Villaflor Bannawagan, nadakip ang mga hindi pinangalanang suspek sa Bacoor City, Cavite.
Lumapit sa pulisya ang mga nobyo ng mga biktima matapos umanong ma-kidnap ang mga babae noong Miyerkules at Huwebes sa isang restaurant at sa casino.
Sinasabing nagbayad ng ransom ang mga kakilala at mga boyfriend ng mga biktima pero hindi pa rin pinakawalan ang mga ito.
Tinorture din umano at ginahasa ang mga biktima.
Nasa kustodiya na ng PNP-AKG ang mga suspek at nakatakdang sampahan ng kaukulang kaso.
