Laglag sa kamay ng mga awtoridad ang anim na indibidwal sa magkahiwalay na anti-drug operations sa Pateros at Pasay.
Sa E. Quiogue Street, Brgy. Aguho, Pateros, nadakip sa buy-bust operation sina Myko Bayanin, Mykel Bayanin, at Rowena Villace kung saan nasabat mula sa kanila ang tatlong daang pisong buy-bust money at 6,800 pesos na halaga ng hinihinalang shabu.
Sa Lim-an St., Brgy. 4, sa Pasay, timbog naman sina Geronimo Jacobe, Glenn Barba, at Jose Labadia kung saan nakumpiska sa operasyon ang dalawang daang pisong buy-bust money at halos 22,000 pesos na halaga ng umano’y shabu.
Nakakulong na ngayon ang mga suspek at nakatakdang sampahan ng kaukulang reklamo.
