Gumuho ang 6 na bahay sa bukiring bahagi ng Cebu City matapos matangay ng landslide sa Sitio Garahe, Barangay Busay.
Ayon kay Cebu City Disaster Risk Reduction Management Office Chief, Harold Alcontin, na naideklarang hazardous ang naturang residential area dahil ilang beses nang naranasan ang soil movement.
Dahil din sa walang tigil na pag-ulan sa nakalipas na araw ang naging mitsa upang tuluyan nang gumuho ang lupa.
Hindi naman bababa sa 12 pamilya ang nailikas sa evacuation center.
Samantala, batay sa datos ng Cebu City DRRMO, 16 na landslide na ang naitala simula nang pumasok ang Bagyong Paeng sa bansa. – sa panunulat ni Jenn Patrolla
