Anim katao ang panibagong bihag ng Abu Sayyaf sa Patikul, Sulu.
Kinumpirma ni Brig. Gen. Cirilito Sobejana, commander ng joint task force Sulu na sapilitang 15 armadong lalaki ang dumukot sa anim na residente ng barangay Latih.
Kinilala ang mga biktimang sina Jessy Trinidad, Nene Trinidad, Aloh Trinidad, Lucy Hapole, Junjun Hapole, at Nelson Hapole.
Agad nagsagawa ng pursuit operations ang militar habang pinayuhan ang mga residente na maging mapagmatyag at iulat sa mga otoridad kung may mga kahina-hinalang tao o pangyayari sa kanilang lugar.
