Nailigtas ng mga awtoridad sa Malaysia ang anim na babaeng Pilipino na ni-recruit bilang prostitute sa nasabing bansa.
Ayon kay Kota Kinabalu Chief Assistant Commander M. Chandra, dinala sa Sabah ang anim na Pinay mula sa Zamboanga na nasa edad 20 hanggang 24 na taon matapos pangakuan ng trabaho bilang waitress.
Aniya, pinuwersa ang mga ito na pumasok sa mga hotel and karaoke center bilang guest relation officer o GRO upang makapagbayad ng utang na ginastos sa kanila papuntang Malaysia.
Iniimbestigahan na ang isang Chinese at dalawang Pinay na hinihinalang sangkot sa nasabing kaso.
Mananatili muna sa isang temporary shelter ang anim na Pinay na nailigtas sa raid upang masiguro ang kanilang seguridad.
By Arianne Palma
