Patay ang anim pang miyembro ng grupong Maute sa patuloy na bakbakan sa main battle area sa Marawi City.
Ito ayon kay Joint Task Group Ranao Deputy Commander Colonel Romeo Brawner ay matapos marekober ang anim na labi sa battle site.
Sinabi ni Brawner na posibleng mas marami pang labi ng mga terorista ang marekober nila, subalit mahirap aniya ang retrieval operations dahil sa mga palaban pa ring miyembro ng Maute group.
Wala namang napaulat na nasawi sa panig ng mga sundalo sa bakbakan ngayong araw na ito.
