Nakapagtala ang Philippine National Police pnp ng panibagong anim na pulis na nahawa sa covid-19 sa kanilang hanay.
Batay sa datos ng PNP Public Information Office, pinakamababang tala ito magmula noong December 31, 2021 na panahon ng pagkalat ng Omicron variant.
Bumaba naman sa 166 mula sa 202 ang aktibong kaso ng covid-19 sa PNP.
Ito ay matapos makarekober ang 42 kaya umakyat na sa 48 thousand 456 ang recoveries.
Wala namang naitalang bagong nasawing pulis kaya nananatili sa 128 ang mga namatay sa Covid-19 sa hanay ng PNP. —sa panulat ni Abby Malanday
