Tumaas pa ang death toll dulot ng pagtama ng hurricane Irma matapos na masawi ang anim na pasyente sa isang nursing home sa Florida.
Nasawi ang anim na nakatatanda dahil sa malawakang blackout sa Florida kung saan apektado ang nasa 4.3 million na mga kabahayan at negosyo kabilang ang tinutuluyang Rehabilitation Center of Hollywood Hills ng mga biktima.
Batay sa imbestigasyon, nahihirapan ang mga resident elderly sa nasabing nursing homes dahil sa kawalan ng air-condition dulot ng blackout sa Florida.
Sa pinakahuling tala, umaabot sa 77 ang kabuuang bilang ng nasawi dulot na hurricane Irma kung saan 36 ang naitala sa Estados Unidos.
—-
