Anim ang patay kabilang na ang apat na bata habang nailigtas naman ang 20 pang indibidwal matapos tumaob ang isang ferry boat sa Eastern Sri Lanka.
Ayon kay Police Spokesperson Nihal Talduwa, naglakbay mula sa Kurinchakeni patungo sa bayan ng Kinniya sa kahabaan ng Silangang Baybayin ng nabanggit na bansa at humigit-kumulang 260 kilometerso 160 miles ang lapit sa Hilagang-Silangan ng kabisera ng Colombo.
Sinisisi ngayon ng mga residente sa lugar ang gobyerno sa naganap na aksidente matapos isara ang mga tulay na nag-uugnay sa ibang mga bayan at sapilitang pagpapagamit ng mga sasakyang pandagat upang makatawid sa kanilang nais na puntahan.
Sa ngayon, patuloy parin ang imbestigasyon ng mga otoridad habang inaalam pa nila kung ilan ang kabuuang bilang ng mga sakay salumubog na ferry. —sa panulat ni Angelica Doctolero
