Patay ang animnapung katao kabilang ang mga bilanggo sa isang kulungan sa airstrike ng Arab coalition warplanes sa security complex malapit sa Yemeni port, Hodeidah City.
Ayon kay Hashem Al-Azizi, deputy governor ng probinsya ng Hodeidah, walumpu’t apat na bilanggo ang nasa Al-Zaydiyah district ng bombahin ng tatlong beses noong Sabado.
Sinabi ng isang nakasaksi sa security complex na nawasak ang buong gusali at labimpitong katawan ang narecover ng mga medics na karamihan ay wala ng mga kamay habang ang iba ay naiwan pa sa gumuhong gusali.
By Mariboy Ysibido
