Balik bansa na ang 60 mga na-stranded na Pinoy sa India. Ito’y ayon sa Department of Foreign Affairs (DFA).
Sinalubong ng ilang tauhan ng DFA ang mga na-stranded na Pinoy nang lumapag mga ito sa NAIA, kahapon, 23 ng Hunyo.
Ang 60 mga umuwi Pinoy ang ika-5 batch na ng repatriates mula India simula nang nagkaroon ng krisis dulot ng COVID-19.
Samantala, kasabay ng ika-122 taong pagkakatatag o founding anniversary ng DFA, tiniyak nito na magpapatuloy ang kanilang serbisyo at pagsiguro sa kalagayan ng bawat Pilipinong nasa ibayong dagat.
