Anim napu’t tatlong (63) porsyento ng mga Pilipino ang tiwalang matutupad ng Pangulong Rodrigo Duterte ang halos lahat ng kanyang mga pangako.
Base ito sa survey ng Social Weather Stations (SWS) na ipinalabas kasabay ng SONA o State of the Nation Address ng Pangulong Duterte ngayong araw na ito.
Ayon sa resulta ng survey, 22% naman sa 1,200 respondents ang naniniwalang tutuparin ni Duterte ang halos lahat ng pangako nito at 41% naman ng respondents ang tiwalang bibigyan ng katuparan ni Duterte ang karamihan sa kanyang mga pangako.
Lumalabas din sa naturang survey na isinagawa nitong June 24 hanggang 27 na 32% ng respondents ang umaasang ilan sa mga pangako ni Duterte ang tutuparin nito at isang porsyento naman ang naniniwalang walang ma-aaccomplish ang pangulo sa kanyang mga ipinangako.
Hindi naman masabi ng 3 porsyento ng respondents kung matutupad ni Duterte ang mga pangako nito para sa mga Pilipino at sa bansa.
By Judith Larino
