Nasa 64 na indibidwal ang hinuli makaraang magkasa ng manhunt operation ang mga tauhan ng Police Regional Office-Cordillera.
Ayon sa Regional Investigation and Detective Management Division (RIDMD), pinakamaraming nahuli ang Baguio City Police Office, na nakaaresto ng 20 wanted persons; sinundan ng Benguet PPO, na mayroon 19; Ifugao PPO, na mayroong siyam; Abra PPO, na may pito; Apayao PPO, na mayroong apat; Mt. Province PPO, na mayroong tatlo; at Kalinga PPO na mayroon namang dalawang naaresto.
Nabatid na naaresto ang mga suspek sa bisa ng warrant of arrest kung saan, nasa kustodiya na ng mga otoridad ang mga hinuli at nahaharap sa kaukulang kaso.
