Isang 65 years old na babae ang napaluha sa tuwa nang nanumbalik ang kanyang paningin matapos ang tatlong taon dahil sa katarata.
Ayon sa ulat, tumagal ang paghihirap ni Teresita Beliver sa nasabing kapansanan kaya noong siya ay makakita ay wala siyang ibang nagawa kundi ang maluha sa tuwa.
Biro naman ng kanyang doktor para mapawi ang kanyang luha, bawal itong kusutin, bawal tumingin sa pangit at ‘wag gumawa ng kasalanan.
Nagsimulang manlabo ang paningin ni lola teresita nitong 2018 hanggang sa tuluyan na ngang nawala ang kanyang kakayahang makakita.
Dahil dito ay apektado na ang kanyang mental health.—sa panulat ni Rex Espiritu
